رد: قسم النقاش بحاجة لكم.
,
على كثر ماكنت اعشق قسم النقاش على كثر ماطابت نفسي منه
المشكله هنا بالزين إن النقاشات تتخذ منحنى شخصي
وأي اختلاف في وجهات النظر يتم التعدي على شخص الكاتب
عشان جذي وشوله اوجع راسي واتهاوش مع خلق الله ..!
ودام هنا العقليات محبطه مافيه غير الإبتعاد عن مناقشاتهم
هذا يمكن اهم سبب بنظري
وتظل اكيد فيه اسباب ثانيه ساعدت في إحتضار هالقسم منها ..
_ إنعدام دور مشرفين القسم سواء بطرح مواضيع او متابعة المواضيع المطروحه
_ الشليله لإن بعض الأعضاء مايردون إلا على اعضاء معينين
_ عند الأختلاف مع أي عضو في وجهات النظر يتم هجر مواضيعه تماماً
_ حذف الردود أو تعديلها من قبل المشرفين أو الأداره يبيلها عقل واعي
موب مجرد تسلط وإثبات تواجد وهو مايدري وين الله حاطه ..!
_ بعض المواضيع المطروحه مدري وش تبي تحسينها اقرب للسوالف منها للنقاش
_ بعض الأعضاء يطرحون موضوع للنقاش ثمن يتجاهلون ردود الأعضاء تماماً
طيب دامك ماتبي ترد على الأعضاء ليش تنزل موضوع وتطلب ارائهم ..!
_ بعض الأعضاء يدخل الموضوع عشان يعلق ويقلل من رد عضو معين
ويترك الموضوع الأصلي وهذولا هم اللي يكرهونك في النقاش
_ عند طرح المواضيع اللي تخص الدين المفروض اللي عنده خلفيه يرد
واللي ماعنده يكتفي بالمتابعه ماهوب يرد لمجرد إنه يضع له بصمه
على حساب التحريف بالشريعه لإن الدين مافيه مجال للجدال
/
الأسباب واجد والموضوع يطول الحديث فيه
بس صدقيني متى ماكبرت عقولنا وابتعدنا عن الشخصنه في الردود
راح يرجع النقاش مثل ماكان وافضل $222
.
|