ياقلب قلّي عيوني وش مسهرها=مافاد ياقلب معها كثرت عنادي
عشاق ضعنا من اولها ليا اخرها=جميعنا تايهين بنورها البادي
ياقلب خذها نصيحه لا توفرها=عشان ما تستفزك عين حسادي
حبيبتك لا تقصّـر عن مشاعرها=انثر لحاسيسها الريحان والكادي
لا عاد تجرح مشاعرها وخاطرها=وان جاك تقصير منها قلـّـها عادي
اغسل جروح الندامه في محاجرها=من دمعة الشوق ولا دمعة فوادي
وحاول بعطر الوفا والشوق تغمرها=أليا اختلط همسها مع نبضها الهادي
وغن لهدبها نـغـم هادي يبعثرها=( نسّم علينا الهوى من مفرق الوادي)