احيان ياخذني

احدى قصائدي والتي فوجئت باندماج الصوت الرائع للصديق فهد التميمي لها

كان من المشرف حقا ان يشدو بها التميمي

فالاخير لديه ذائقه وصوت رائع ليس كمثله صوت




احيان ياخذني مع الهـم هوجـاس=اسج وانسـى ربعـي الحاضرينـي

صاحي وانا غايب ولا تدري الناس=اغيب واذكـر ماضيـات السنينـي

عفت المكان اللي به الناس جلاس=واقفيـت ادوّر ساحـة تحتوينـي

لعلي اظهر ضيقةٍ بـي بالانفـاس=او عل يبرد حرتـي دمـع عينـي

طرى عليه من قتل في الاحسـاس=اللي قسمت القلـب بينـه وبينـي

ياوجد حالي وجد من خمه نعـاس=رقد وربعـه قـد مضـو راحلينـي

راحو وجوه اعداه بسيوف واقواس=خذوه اسير ولا لقـا لـه معينـي

عشرين عام فوقه القـوم حـراس=الين فرّ من القيود السجينـي

روح يبى ربعه بعد قطع الارمـاس=يـم الشمـال يضنهـم نازليـنـي

لكنهم ماتو بعـد جـوع وعمـاس=والموت ياقربـه لحبـل الوتينـي

وياوجد حالي وجد من حده اليـاس=لارخـاي راسٍ للصعايـب متينـي

دنياه ما تضحك ولا تافـر البـاس=الصدر قبـر وميتـه لـه ونينـي

ياصاحبـي ماعـاد للهم مقيـاس=من كثر منته بالهـوى مستهينـي

انته وانا والشوق مع صبح الانفاس=نورٍ يفـك قيـود ليـل وسجينـي[/font]




للتحميل



http://www.mediafire.com/download.php?wnmmmud5ooj