أي معلومة عن الابتعاث ؟؟

02-06-2009, 11:01 PM

السلام عليكم ورحمة الله وبركاته

كيف الحال ؟

بدخل في الموضوع على طول بدون مقدمات <<لاتشرهون عليه متحمس

المهم

انا آخر سنه لي ولاعاد باقي على الاختبارات شي

و ودي اطلع بعثه أستراليا

بس ماعرف الطريقة شلون
ووين مكان التقديم ووش الشروط ؟

وياليت اللي عنده معلومه يفيدني

وطبعاً انا ادبي ومدري الادبي يبتعث أو لا
ودرجاتي في الثانويه والقياس كلها ممتازه

والله يوفق الجميع يآرب

03-06-2009, 02:28 AM

هلابك عز الخوي

الله يوفقك ان شاءالله في اختباراتك

شوف طال عمرك

الابتعاث سهل وموب سهل

يعني على حسب

<<<بالله اللحين يقالك شرحت شي

انت اذا تخرجت ان شاءالله عندك اشياء مهمه لازم تسويها

اول شي

تجيب قبول من جامعه استراليه معترف فيها هنا

(فيه مكاتب خاصه تخلص اوراقك بمبلغ بسيط بين 500 الى 700 ريال

ويجيبون لك قبول في معهد اللغه)

ثاني شي

تستخرج فيزا من السفاره الاستراليه

ثالث شي

تقدم على برنامج الملك عبدالله للابتعاث

ومكانهم في الرياض في اخر شارع العليا من ناحية الشمال

ولزيادة التفاصيل تقدر تدخل هالموقع

هنـــآآآآآآ

فيه اجابه عن كل اسئلتك

بالتوفيق ان شاءالله

تحيتي لك,,,

03-06-2009, 03:14 AM

أهلآ أخوٍي

سسهله مـآيبغـآلهـآ شيُ

أعتقد إْنك مـآتقدرٍ تبتعث إلآ ع حسـآبك الخـآص

لأانوٍ أنت أدبيُ يعني مـآرآح يقبلوٍنكـُ<< ترى مـآقصديُ أحطمك بس عشـآن أحط عندك فكرٍهـ ولآ تصيرٍ بموٍقف يحرٍجك

المُهم

إذآ إنت تبيُ أسسهل طرٍيقه

شوٍوٍف المعهد الي إنت بتدرس فيُه وأخذ صندوٍق البريد حقهم أوٍ الايميل الالكتروني

ورٍوح شـآرع التحليه فـ الرياض أعرف محلآت هنـآك حلوٍهـ تترٍجم لك الشهـآده حقتك وتختمهـآ من عند نفس المدرسه حقتك

بعدين ترٍسل أورـآقك لنفس المعهد وبيرٍدون عليك خلآل خمس إْيـآم

ورآح يخيروٍنك بتسكن مع عـآئله أو أنت بتستأجرٍ بيتُ ..ألخ

ورآح يخيروٍنك أي مطـآرٍ بتنزٍل فيه ..؟

إْذآ أنت بتروٍح ع حسـآبك مـآفيُ شي إسمه مـآيقبلوٍنك ..

بعدهـآ روٍح السفـآرهـ الاسترـآليه أليُ فـ السعوديه وأعطهم الاورـآق ألي وصلتك من نفس المعهد وأطلب الفيزآآآ وأعتقد الفيزآآ أذآ طوولت أربع أيـآم

وبالتوٍفيق

03-06-2009, 01:18 PM

القانون ، المحاسبة ، التجارة الالكترونية ، التمويل ، التأمين والتسويق

هذي تخصصات يقبلونها في الابتعاث تبع البرنامج

وهي تخصصات ادبيه :)

والافضل انك تدبر لك احد في شؤون الابتعاث علشان يمشي امورك بسهوله

04-06-2009, 04:07 PM

يعطيكم العافيه

والله لايهينكم

وبنشوف اذا ماقبلوني بروح ع حسابي

والله يكتب اللي فيه الخير

أشكركم مرهٍ ثانيه

08-02-2010, 11:33 AM

الي سمعته او قصدي عشته في التعليم العالي الواسطه هي الي تمشي امورك

انا عطوني امر اركاب وبعد ثلاث شهور الحقتني الواسطه بالبعثه

بس اهم شي لا تطلع من السعوديه الى بأمر اركاب يعني يعطونك تذكره على حسابهم
هذا واحد

2- اغلب الناس الي درسو برى يقولوا " أمريكا اقوى شهاده من استراليا"*

09-02-2010, 01:47 AM

يا رجال لاتشيل هم انهم يقبلونك

فيه طريقة ثانيه اسهل لك اذا معاك مبلغ كويس الحين

اطلع استراليا كانك تبي استراليا

ورح للجامعه اللي تبيها وخذ لك قبول

وادرس المعهد على حسابك وخذ فواتير عليه

ثم ادرس اول ترم في الجامعه وشد حيلك وجب معدل وخلك

كوويس في الجامعه ولا تنسى تاخذ فواتير

ثم يا طويل العمر رح للملحقيه وقدم على ملحق بالابتعااث وصلى الله وبارك

تصبر شهر او شوي زياده وبيجيك قبول

خاصه اذا معدلك في الترم الاول زين واذا ما عليك مشاكل

واذا تبي نصيحتي شد حيلك الحين بالدراسه وبعدين لا تخرجت فكر

في الابتعااث

لان بيكون قدامك وقت طويل لين يبدون في التقديم

قووود لوووك

09-02-2010, 03:51 AM

الموضوع قديم

الرجال اللحين بيتخرج من استراليا

مغلق

أي معلومة عن الابتعاث ؟؟

"| ركن الزين التـعليمي ..~