انت الآن تتصفح منتدى منتديات الزين

01-07-2009, 10:02 PM

اهلين بجارح وبمواضيعه المميزة

اغلب الزواجات تكون في اجازة الصيف عشان وقتها الناس تكون
فاضية لادوامات ولا شي يشغلهم عنها
والاهم من هذا تلاقي مين يلبيلك الدعوة
اما الاوقات الثانية بيتعذرولك بالدراسة ولا الدوامات

طيب انت خالفهم واتزوج وقت غير الصيفية im3

اما اللي يشوف واحد ماسك زوجته في السوق ويقول خكري
بصراحة غريبة منطقه طيب اذا هو مو عاجبته الحركة هذي لايسويها
لكن مو يروح يتكلم في غيره
ناس مدري كيف تفكر !!

وصدقني مايقول كذا الا من الغيرة اللي ذابحته تلاقيه يتمنى يمسك يد زوجته
بس هي مو مديته وجه

يلا عقبال ماربي يرزقك ببنت الحلال اللي تسعدك في حياتك
وتعوضك عن ايام العزوبية :)

موضوعك ناااايس جارح $222

02-07-2009, 02:17 AM

صراحه..احلى موضوع شفته بالقسم هالفتره..ياكذا المواضيع اللي ناخذ من وراها فائده والا بلاش:)

ولا هو بس الموضوع حتى الردود بصراحه يستفاد منها الكثير:)

اهنيك ياجآرح

ندخل بالموضوع:)

مسألة العرس انه بالصيف ترجع لظروف العرسان..طيب ممكن تكون العروس تدرس..يعني مستحيل تعرس بنص السنه بوسط الدراسه..أساساً كلها أسبوعين ولا ثلاثه وراجعه تدرس يعني ماراح تنبسط ولا تقوم بواجباتها لا لزوجها ولا لبيتها..هنا مالهم الا يعرسون بالصيف عشان ع الاقل يبسطون كم شهر..

اما عاد اللي متخرجه والا ماوراها شيء..ذي عاد مو مشكله تعرس بأي وقت ولا عليها من الناس:)

النقطه الثانيه..أهم شيء تدوره البنت بزوجها انه يكون طيب وحنون ورجال بمعنى رجال..بعيداً عن التصنع
طبعاً..اذا لقت هالشيء راح تعطيه عمرها لو يبي..وتكره فيه أثبات رجولته الزائفه من اول ليله..بعضهم يجيك من اول ليله ويسردلها قوانين ومحاضره.. اللبس اللي كذا ماتطلعين فيه..واللبس ذاك ماتلبسينه عند اهلي..ومن هالاشياء التافهه اللي تكرهها بنفسها وتنكد عليها ليلتها..وكله عشان يثبتلها (مو انا اللي تمشيني حرمه على كيفها) اوكي وضح لها بعض الاشياء المهمه بس بأسلوب حلوه ولو تخليها لبعدين أحسن:)

والله يسعد كل عريس وعروسه وعقبال العزاب

جآرح تستاهل التقييم

لاهنت $222

02-07-2009, 03:43 PM

الناس اللي يعرسون وحنا اللي نبتلش

< من عطلوا الناس وهي مطامر بالسوق
من واقع الشحططه اللي انا شفته بهالأسواق اقول الزواج بالصيف مب زين :11ar:
اول شي الزحمه
اللي ماتدري عن نفسك الا انت بين الرجلين تطحس توطّا اليما تقول واحيلاه

اويلاه ذولا كلهم بالسعوديه ..!!!!

مدري منين طلع هالكم السكاني الهائل < عز الله فطسوا نص اهالي القصيم im22
هذا بالنسبه للشعب .. زحمه وغثا وكل الأشياء الزينه طايره
اما بالنسبه للعروس نفسها بعد مهب زين تعرس بالصيف :180[1]:
لأنه راح تتبهذل من ناحية التجهيز

يمكن بتقولون ليه ماجهزت من البدايه قبل الإجازه im3
اقول لكم عشان انشغاله بالدراسه وعشان بعد اهله مهب فاضين له
اللي يدرس واللي يدرّس يعني منو بيوديه ويجيبه

خص اذا كانوا اهله من المتشددين امثالي مايعترفون بالسواق

ثاني شي موجة الحر خص هالسنه هذي
والله ياأن العرس بالزمهرير ارحم مليون مره من هالشواء

اللي ابقعد بوه رابصتن بالماء 24 ساعه:56ar: < من شدة التعرق
هذا شي .. الشي الثاني الإستغلال الملحوظ لنا من قِبل التجار < بدت الفصحى
ياهم لاعبين بعبّنا لعب !!

اللي كان قبل الإجازه بـ 300 ، 400 صار بالإجازه فوق الألف ..!
هذا غير الفنادق واللازم منه تبع العرس :24aar:
ماقول الا وشوله العرس اصلا ً

< الفيوز ضربت

والله انه راحه للطرفين كلهم

مير خلونا نتفق لا نعرس ولا تعرسون

< توقعون بعد هالإتفاق
و بعد مرور 20 سنه من الآن كم بيصير عدد سكان المملكه

جارح لاتعرس images11

03-07-2009, 12:40 AM

افتح قلبك تفرح ... احلى مقدمة
بالنسبة للصيفية اشهد انك صادق ماله داعي حر وموت و غير كذا الواحد وده يغير جو وهذولا يعلونا بالعروس
الزبدة الله يوفقهم

نجي للي بعد العرس
كونوا طبيعين مهذبين مؤدبين فرفوشين بدون استهبال
لاهو فرض شخصية و قوة مع ان كثير شباب لازم يسوي شخصية بالبداية بس لايزودها
المشكلة البعض يحسب الزواج سي السيد و يبي يمشي البنت على هواه
و الثاني يبي يقلب الدنيا مسلسل رومانسي وعند الجد تنقلب علومه
و الثالث طول الوقت يا قاطها بالبيت ولا في بيت اهلها يبي الفكة

نعيد و نقول
خلوكم طبيعين فرفوشين قابلين للخلط و العجن
حلو تكون فترة اكتشاف مو فترة هوشات

جارح يعطيك العافية على هيك موضوع
و عقبال مانفرح في في الصيف

03-07-2009, 01:40 AM

اقتباس:

المشاركة الأصلية كتبت بواسطة كاتـم الآهــات

جارح

احسن وقت للزواج الصيفيه واسأل مجرب

تخيل ان زواجك في عز المربعانيه

صدقني راح تتوهق والله يعينك على الانفلونزا

تخيل صاحي تصلي الفجر وتتروش ودرجة الحراره تحت الصفر <<<موب حاله

شوف حبيب البي

انا عندي قاعده اثبتت نجاحها

اهبل البنت قبل تهبلك

اكبر خطاء يقع فيه الشباب في اول فترة الزواج هو اعطاء الفتاة اكبر من حجمه هو <<<لاتستعجل جايك بالشرح

الواحد في اول 3 او 6 شهور يدلل البنت تدليل موب صاحي وكأنه مافيه بالدنيا الا هي

حتى البنت اذا سألوها صديقاتها عن الزواج قالت ياليتني متزوجه من زماااااااااااااااان

وبعد فتره تزول (الطفه) ويرجع يعيش زي ماكان عايش اول <<<ابوطبيع

نفس البنات اللي فوق يسألون صديقتهم عن الزواج بعد مرور سنه وتكون الاجابه:

ياليتني ماتزوجت والله لو اني جالسه في بيت ابوي ابرك لي

هنا البنت المسكينه تصيبها صدمه وتبداء افكارها توديها وتجيبها

وبصراحه ماتنلام

الرجال قلب 180 درجه بلحظه

نصيحتي للشباب

اذا نويت تتزوج وقدر الله عليك وتوهقت وتزوجت

عامل زوجتك على قدك وعلى قد قدراتك العاطفيه

لاتجي في اول ايام الزواج وتجيب طبلونك من العواطف وتنثرها جميع

وبعد فتره ترجع اشهب اللهب وتسحب عليها سحبه اليمه

خل نظامك ثابت حتى لو كان عطاءك قليل

جارح

يعطيك الف عافيه

عندي كحشة نصايح ولي باك

هلا بك كاتم

سوري تاحرت باالرد عليكم كنت مشغول هااليومين

لا تحاول تقنعني كاتم اني اعرس باالصيفيه وربي موضه قديمه
او باالاساس موسم استغلال

الناس تبي تسافر وتروح مو فاضيه لك انت وعرسك

يعني حتى لو تسافر راح تلقى زحمه في كل مكان والاجار غالي
سواء الفنادق او قصور الافراح

عكس لما تتزوج قبل الصيف او في اجازة الربيع
وقفت مافيه الا الصيفيه

انا ماقلت اعرس في المربعانيه عشان تشهب صح من كثر ماتتروش

اما بعد العرس اكل العنب حبه حبه يعني على خفيف كل شي

ومشكور على النصائح ومنك نستفيد كاتم

بنتظار عودتك فلها في الموضوع وانا اخوك

نورت

03-07-2009, 02:36 AM

اقتباس:

المشاركة الأصلية كتبت بواسطة وحده من بين خلق الله

هلا والله جآرح كيف الحال > تحكحك وهي داخله الموضوع

جآرح ليش جبت طاري الزوآج

03-07-2009, 02:55 AM

هلا جارح

انا من الناس اللي احب اطـآمر بالزواجات

يعني احب اتفررج واشووف اشكال واللوان من هالبنات

وفووق كذآ احب صووت الطقااقه

اما زواجات بالعطله لانهم الاغلبيه فااضي ..ويتجمعون من كل صووب

يعني اللي له اهل بالكوويت كثلا مااتعوقهم لادراسه والاوظاايف يحظروون الزواج

صح انها كثير تعطلنا ومانسافر لان زواج فلانه بتاريخ كذا وزاج فلان كذا
بس اهون من الزواج بالدرراسه الخميس عررس ومطاامر والسبت تتدرسين ورجوولك انواع الالم
وظهرك بينقص من كثر الرقص والمداابك

آما اعلووم مابعد الزواج فا انا ووجهي بعيدين كل البعد عنها

مخلينها لكاتم ووحدهـ

لاهنت ماجد

وعقبال ماتبشرنا بزواجك وتعزمنا

03-07-2009, 03:40 AM

اقتباس:

انا من الناس اللي احب اطـآمر بالزواجات

يعني احب اتفررج واشووف اشكال واللوان من هالبنات

وفووق كذآ احب صووت الطقااقه

^
ياحبي لك

نفس الهوايه عندي :)

أول ماكنت أداني شي أسمه زواجات ، بس عرق الحريم بدا يطلع وبديت احب استكشف

im22

و شسمه الباقي ماعرف أعلق عليه

/

جارح لا عاد تكتب نهايات تكسر الخآطر

اندوك :25ar:

-

03-07-2009, 04:15 PM

اقتباس:

المشاركة الأصلية كتبت بواسطة ¶ بــآريــس ¶™

صادق كاتم بعيدين تفقد الرومانسية وتروح تتعرف على واحد ويحطها ملكة جمال العالم وبعد شهرين ثلاثة تقول ياليتني ما تعرفت < اقول اطلع برا الموضوع ولا عاد تدخل الا معك ولي امرك

انا والله إذا تزوجت بدلعها لين اطيح اللي براسي وبعدين خل تسب فيني موب مشكلتي إذا زعلت بشتري " طرطعان " واخليها هي وهي زعلانه بعدين اولع وحدهـ وافجرها تحتها اخليها تنقز فوق .. اول ما تنقز اقول ما شاء الله تعرفين ترقصين وما تعلميني < احلف بس يا إنك جالس بإستراحة مع اخوياك ولا إنك قاعد تحلم إنك محشش والشرطة ماسكتك

إذا تزوجت بخليها ترقص < احسن صورها بعد وانشرها بلوتوث وش له داخل على الشعب تقول بتخليها ترقص الظاهر ما يعرف يرقص الا زوجتك انت ووجهك < ياخي اموت في الرقص وش اسوي < ياخي من زين وجهك يوم تقول ابي وابي اللي يشوفك الحين يقول ملك جمال العالم لعام 2008 و 2009 على التوالي اها بس < طيب خلاص الدعوة جمال الروح < عذر الشين

جارح وش تبي من الموضوع انت ؟! ورى ما تتزوج وتفتك يا إنك شايل هم العرس من الحين .. لك ايام الا سنين وانت تفكر بالزواج وتطرية ,, ترانا مقطوعين مثلك ندور الدفا وساكتين نتظر الوظيفة وإذا سالنا احد قال متى ناوي تتزوج نقول متى ما توظفنا وتسلفنا من البنك وقلنا للوالدة يرحم امك شوفي اقرب بنت متفرغة للزواج لها القدرة على ليلة الدخلة والصباحية والأيام الباقية مجانا

,,

يا إني كل ما فكرت بالزواج وانا جاي تعبان ابي انام وزوجتي مسوية نايمة على السرير وحنى في المبرعانية الله لا يوريك اتخيل اشياء تخليني اتروش بعد ما اتخيل

< اطلع تكفى نام كبيت العفش

شكراً .. واستروا ما واجهتوا < ترا اسمك باريس يعني اسم مستعار اوكي ؟ < طيب اها بس

ملاحظة : ما قريت الموضوع الخط ما اشوفة im3

اقول باريس شلونك بس

اقتباس:

صادق كاتم بعيدين تفقد الرومانسية وتروح تتعرف على واحد ويحطها ملكة جمال العالم وبعد شهرين ثلاثة تقول ياليتني ما تعرفت < اقول اطلع برا الموضوع ولا عاد تدخل الا معك ولي امرك

الموضوع عن الزواج مو عن الي بالي بالك << بتنجلد

اقول الله يعين اللي بتاخذك اجل طرطعان
ياليت عندها اخوان اكبر منك ثم تنفرش

المهم اذا اعرست انتبه تخق واجد تراء حريمنا ماينعطون وجه بزياده
اذا سويت فيها رومنسي وزحمه تروح تقول لخويتها والله ساحبته ع خشمه
او حاطته في كمي ومدري ايش

اقتباس:

جارح وش تبي من الموضوع انت ؟!

مدري وش ابي صراحه

والله مالقيت اللي تستاهلني << انقلع

باريس ردود المفروض نكتب عندها 18+

04-07-2009, 12:36 AM

اقتباس:

المشاركة الأصلية كتبت بواسطة ان عنيت اليوم باكر ماعنيت

آلســلآمُ عليكُـــم..

أول شيء يـآجآرح إني مآفكــرت إني إتـزوج ولا رآح أفكـر

.. وآلحمــد لله أني حآلفن يمين وربـي إني مآتزوج...يمكـن البعض يقول انـوة كـلآم بس .. يعني كلآم الليل يمحيـة النهـآر.. لآ لآ وربـي إني حآلف حآلف على القـرآن إني مـآتزوج..

آبي أعيش كل حيـآتي عزآبـي يآلبئ قلب العزآبيـة بس وأبي أكـون بعيد عن العش الزوجـي والخـرآبيط اللي مآل أمهن دآعي

وأنـآ أنصح كل شـآب جلس مع نفسـة بـ:أخر الليل وفكر انوة يتـزوج..، لحـد يفكر أنـوة يتـزوج وأن كـآنوة فكـر بيتـزوج لأيتـزوج سعوديـة

نصيحـة أخوية طبعـاً.. وبعدين هـ:النصيحـة مآقلتـة عبث ، هذي طبعـاً جتـن من قِبـل درآسة ومجهـود و تجـآرب نـآس أوضحوآ لي بـ:أنهآ سيئة جداً جداً..

يعني الوآحـد إذآ فكـر يتزوج،. يتـزوج شيء سنع مهوب يـروح يأخذ لي وحـدة لأوجه ولأجسـم ولا شيء يفتـح النفس.ليـة تعـب نفسك وتأخذ لك سعودية.؟ .. أنت أنسسـآن تبـي تتمتع بحيـآتك مآتبي تأخذ لك وحـدة من أول شـور تآيـم، كـآرهـة ههههه.

وأنآ ودي أعلق على نقطـة تدبـل التسبـد ...
مـن إلمتخلف هذا اللي يقول ان الرجآل اذا مسك يد زوجتـة بالسوق .{خكـري.}.؟

وربـي لأمسك يدة لآ وبعـد هي مهيب جآيتن على مسكة اليد وبس .قسمبـلآآآة لأمشي انا ويـآة وحنآ خآمين بعض ،
خـل النآس تكلم، خـل الشآب الرجـآل الزآحف الكفـوو اللي مسوي لي فيهـاا انوة بطل يتكلـم..قسمبـلآآة شيء يرفع الضغط .طيب انا متزوج علشان اعيش اللحظـآت هذي . يجي هذا الزآحـف ويقول خكـري اللي يمسك يد زوجتـة هههه يآصبـررر الأرض بس

طيب يعني مسوي انـوة اذا سافر هو مرتوة شهر العسل برئ السعودية مهيب مخلية فآتشة .؟ إلأ أكيـد بيخلية فآتشة .. طيب ليش هذا النفآق من الاسآس .. يـ:أنك تمشي على الطريق اللي انت مآشين بوة . ولا ضـف وجهـك.

أجل رجآل بس أنـك تمشي ورآزن لي كتوفك ومسوي فيها رآمبوا وآخر شيء انـوآع الإهآنآت اللي تجيـة بالبيت

ياشيخ افلقني اذا مااعرست

بلا مهايط باالله

بعدين باالله تعال ورى بنات السعوديه طايحين من عينك ياوائل كفوري على غفله

مالك إلا خشمك لو هو عوج :)

واللي يقولك ان السعوديه ماتنفع وربي لو تقوله تزوج غير سعوديه انه ماياخذها

خل عنك الهرج وربي هرج بس

عموماً اخوي عنيت نورت الموضوع

وتراء من سبك حبك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الاهداءات

انت الآن تتصفح منتدى منتديات الزين

افتح الــبك تفرح

اهلين بجارح وبمواضيعه المميزة اغلب الزواجات تكون في اجازة الصيف عشان وقتها الناس تكون فاضية لادوامات ولا شي يشغلهم عنها