لا لا تسيء الظنّ تكفـى لاتطيـع العاذليـن=قلبي تفطّر من صدودك لا تزيـد الامتحـان
يامالك ٍ روحي يمين الله وديـن ٍ باثْـر ديـن=ماني من اللي ينقض عهوده ولو شان الزمان
مبداي مبدا ضيغميٍ مامشى و الخاينيـن=ماكوّب الحرْوه وانا شقران وختومي ضمـان
قلته من اول ماسواك اللي سرى وسْط الوتيـن=ولا يجاريك الغلا حـي ٍ ولا ينـزل مكـان
عشرين ليله ماهجد بالصدر زفـرات وونيـن=ولا اهتنت عيني بمرقاده ولا ذقـت الامـان
ماغير ادولج بالخلا والليل بيـن (البازميـن)=واقول مال العاذل بفعْلتْـه يكسـب للرّهـان؟
مبغاي ياساكن فـؤادي ياوليفـي والضّنيـن=يامالكـي ياآسـري يامـن بكفّيـك العنـان
كبّ الصّدود ولاتفرّح في عنـادك حاسديـن=خسران في خسران حالي ،ردّت العشر لثمـان
ذبْلت غصوني من عظيم اشواق والوجد وحنين=والحال في حاله عسى الله مايزيد إلْي الهـوان
تعال ياآخر غـرام ٍ مالـه بكونـي وزيـن=يامن له العلْيـا تسيّدْهـا وغيـره بالطمـان
تِماكن اللي باقي ٍ من عـود ٍ ابلتْـه السنيـن=اسْعفْه في ردّة ضعونك قبل مايفـوت الاوان

الشاعر / شـقــران
كم و كم تعطشت صفحات الزين لـ وابل قصيدك
اشتاقت لـ رذاذ حرفك العذب .. حتى واشكت الجفاف .
و هـ نحن ارتوينا .. و ارتوت مشاعرنا بـ عطاء أمطار قصيدك ..
بعد طول اشتياق ..
فـ صح لسانك و سلم نبض احساسك
لك وافر الاحترام : دمع الزهر