انت الآن تتصفح منتدى منتديات الزين

#1 02-02-2010, 12:01 AM

نسبة الهم عندي كل يوم تزيد=بالميه واحد وخمسين قدرالزياده

نسبة اللي بقاماني إبعده سعيد=وين أنا بعد ماجاني ووين السعاده

أحزن اليوم وبكره من صباح أستعيد=كل حسرة حزن ترجع عليْ بإستعاده

أستعيد السعاده مع مجي البريد=من صباح الولع يازين نسمة براده

إن توفى غرامي من إحزوني شهيد=لازم أثبت وأكد ميتته في شهاده

فجعتك لي تراها مثل يوم الوعيد=من سواياك ياللي له إبجرحي إراده

ياهوى خافقي دامك إبحبك عنيد=إفعل اللي تبي مادمت صاحب سعاده

من يردك تصرف واعمل اللي تريد=دام لك في تعاذيب المواليف راده

هزقلبي إلحبك مثل هزالجريد=وأرتعت فيه مليونين وأكثرجراده

من غرامك إمولع بالضمايروقيد=إحترق كل مابي من حرارة وقاده

ماحسبت الغلا والود كايد يكيد=لين جربت في دنياي كيد وأكاده

مادريت إن شفك له غرام جديد=إستواله ثمروأيْنع وقرب جداده

يوم جاوب عليْ عواد وآخوه عيد=التجارب غدت ليه إطبوع وعاده

الله أكبرعلامك يالغزال الفريد=تاأخذ أحباب عينك بالعذاب إنفراده

أنت ياللي إلحالك بالموده عقيد=خافقي يوم حبك كان هذا إعتقاده

إن مافيه غيرك بالآوادم وديد=أنت من حطم القلب المولع وداده

بردك اللي عليه ياحبيبي جليد=صابرله صبوروصاربيه جلاده

ياوليفي شقاحبك إبروحي شديد=لحظته تشعرالخافق إبقوإشتداده

فيك أنا شفت بالعينين صورة عميد=غايتي أنت هذا ماأعتمدنا إعتماده

أعتمد ماهقيت وفيك أولف نشيد=بالمعاني وبيت الشعريطرب إنشاده

بالزمن والليالي عشت حبي وحيد=ماتعدى غرامي في هواكم إحداده

أحتكم للموده ماتبعت المريد=ماتغاليت وأقصد بالمحبه مراده

زرع حبي لقيته ياحبيبي حصيد=كنت راجي إنفوعه عند حزة حصاده

أنت ماأنته قريب ولاعليه بعيد=لكن اللي يودك لوعته ببتعاده

لفتة الظبي بعدإجفال يومه يعيد=ميرلأقفاإبجفيله صعب يرجع معاده

أنت مثله ولكن بالقساوه شديد=ليت ترحم إمسافرماينزل إشداده

من بلد لبلد شقيان عيا يهيد=الغلافيك يالمجمول مابه هواده

نسبة الهم يالغالي تراها تزيد=بالميه واحد وخمسين منك الزياده

02-02-2010, 03:13 AM

للروعة ابداااااعـــ
وللجمااااال حروف وللتميز أسلوبــــــ
ولسحر حرفكـــ بيااااانــــــ
وهذااا ما وجدتهــــ هناااا
لوحه فى غاية الابداااعــــ
سلمت ذاااقتكــ على الاختيااار يالغلا
وتحيه تهديك السلام

02-02-2010, 08:26 AM

ملك القوافي
حضورك جميل وشعرك أجمل
صادق ونابض بكلماته
صح لسانك
ظميان غدير

02-02-2010, 09:28 AM

ملك القوافي

اسم على مسمى واشرقت همس القوافي بطلتك بعد غيابك

صح لسانك ملايين شاعر جزل امتلكت يالغالي الابداع فيها

تحيتي لك

حيران

02-02-2010, 07:39 PM

فجعتك لي تراها مثل يوم الوعيد=من سواياك ياللي له إبجرحي إراده

ياهوى خافقي دامك إبحبك عنيد=إفعل اللي تبي مادمت صاحب سعاده

من يردك تصرف واعمل اللي تريد=دام لك في تعاذيب المواليف راده

صح لسانك وسلمت يمينك اخوي
روعه ماشاء الله
$222

10-02-2010, 11:50 PM

شكرالكم إخوة وأخوات كل بإسمه على هالمرورالكريم والإطراءالجميل وأنتم الأجمل لاهنتم تحيتي لكم

10-02-2010, 11:56 PM

امتعتنا بقراءة قصيدك
صح لسانك و سلم نبضك

19-02-2010, 07:57 PM

قصيده من العيار الثقيل صح لسانك وبيض الله وجهك

23-02-2010, 12:49 AM

دمع الزهرالقهرمان أشكركماغاية الشكرعلى مروركما الكريم دمتمابودمع التحيه

06-03-2010, 01:24 AM

أحزن اليوم وبكره من صباح أستعيد=كل حسرة حزن ترجع عليْ بإستعاده

قصيده جميله جدا
صح لسانك
والف شكر
وتحيه لقلبك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الاهداءات

انت الآن تتصفح منتدى منتديات الزين

هـــزقـــلـــبـي إلـــحـــبـــك

نسبة الهم عندي كل يوم تزيد=بالميه واحد وخمسين قدرالزياده نسبة اللي بقاماني إبعده سعيد=وين أنا بعد ماجاني ووين السعاده أحزن